ഓ! ഭാഗ്യപ്പെട്ട വി യൗസേപ്പേ അങ്ങിൽ അഭയം തേടുന്നവരെ ഒരിക്കലും കൈവിടില്ലയെന്നു ഞങ്ങൾ അറിയുന്നു. അങ്ങ് ഞങ്ങളുടെ ശരണവും ആശ്രയവും ആയിരിക്കണമേ . ദൈവദർശനങ്ങളാൽ നയിക്കപ്പെട്ട് ദൈവീക പദ്ധതിയോട് പരിപൂർണ വിധേയത്വം പുലർത്തിയ അങ്ങയുടെ മാദ്ധ്യസ്ഥം ഞങ്ങളപേക്ഷിക്കുന്നു. തിരുകുടുംബപാലകനായ വിശുദ്ധ യൗസേപ്പേ ഞങ്ങളുടെ കുടുംബങ്ങളെ കാത്തു പരിപാലിക്കണമേ കന്യാവ്രതകരുടെ മധ്യസ്ഥ ഞങ്ങളുടെ മക്കൾക്ക് അനുയോജ്യമായ ദൈവവിളി നൽകി അനുഗ്രഹിക്കണമേ. തൊഴിലാളികളുടെ മധ്യസ്ഥ ജോലി സാധ്യതയും ജോലി സ്ഥിരതയും ഞങ്ങൾക്ക് നല്കണമേ. നന്മരണ മധ്യസ്ഥ ഭാഗ്യമരണം പ്രാപിക്കുവാൻ ഞങ്ങളേവരേയും ഒരുക്കണമേ. തിരുസഭയുടെ പാലകനെ സഭയെയും സഭ നേതൃത്വത്തെയും എല്ലാ വിപത്തുകളിൽനിന്നും കാത്തുകൊള്ളണമേ .

പിതാവിന്റെയും പുത്രന്റെയും പരിശുദ്ധത്മാവിന്റെയും നാമത്തിൽ ആമ്മേൻ.

"എന്റെ അടുക്കൽ വരുന്നവനെ ഞാൻ ഒരിക്കലും തള്ളിക്കളയുകയുമില്ല" (യോഹ 6:37) എന്നരുളിചെയ്ത ഈശോയെ, എളിയവനും പാപിയുമായ ഞാൻ അങ്ങയിൽ ശരണപ്പെട്ട് അങ്ങേ സന്നിധിയിൽ പ്രാർത്ഥിക്കുന്നു.അങ്ങയുടെ തിരുകുടുംബത്തിലെ കുഞ്ഞായി എന്നെയും സ്വീകരിക്കണമേ.